Товуқ сони
Нархи сўров бўйича
Товуқ палов
Ўзбек дастурхонининг қироли — товуқ гўшти билан енгилроқ ва тезроқ тайёрланадиган палов.
90 дақиқа6 кишиликМасаллиқлар
- Бақ-бақ товуқ сони ёки окорочка — 1 кг
- Гуруч (девзира) — 600 г
- Сабзи — 800 г
- Пиёз — 2 дона
- Ўсимлик ёғи — 150 мл
- Саримсоқ — 1–2 бош
- Зира — 1 чой қошиқ
- Туз — таъбга кўра
- Қора мурч, зирк — таъбга кўра
Тайёрлаш
- Товуқни музлатгичнинг пастки жавонида муздан туширинг ва катта бўлакларга бўлинг. Гуручни бир неча марта ювиб, илиқ сувда 30 дақиқа ивитиб қўйинг.
- Сабзини сомонча, пиёзни ярим ҳалқа қилиб тўғранг.
- Қозонда ёғни қиздириб, товуқ бўлакларини тилла ранг бўлгунча қовуринг.
- Пиёзни қўшиб юмшагунча, сўнг сабзини солиб яна 10 дақиқа қовуринг.
- Зира, туз ва мурч қўшинг, сабзавотларни 2 см ёпадиган қилиб қайноқ сув қуйинг ва ўртача оловда 20 дақиқа қайнатинг (зирвак).
- Гуручни текис ёйиб солинг, устидан 1,5–2 см қайноқ сув қуйинг ва сув сингиб кетгунча баланд оловда пиширинг.
- Гуручни тепалик қилиб йиғинг, ўртасига бутун саримсоқни ботиринг, қопқоғини ёпиб паст оловда 20–25 дақиқа димланг.
- Паловни аралаштириб, гўштни устига қўйиб тортинг.
